РММАҮ ДАССУ тарихы

«Республика медицина мәгълүмати-аналитик үзәге» ДАССУ

Республика медицина мәгълүмати-аналитик үзәге (РММАҮ) дәүләт автоном сәламәтлек саклау учреждениесе «Республика медик-социаль тикшеренүләр һәм сәламәтлек саклау икътисады үзәге» дәүләт сәламәтлек саклау учреждениесенең хокукый варисы булып тора. Аның эшчәнлегенең төп максаты-мәгълүмат технологияләрен куллануга нигезләнгән статистик, икътисадый һәм фәнни мәгълүматны җыюның һәм анализлауның хәзерге заман системасы эшчәнлеге исәбенә республиканың сәламәтлек саклау органнары һәм учреждениеләре эшенең нәтиҗәлелеген арттыру, медицина һәм чиктәш өлкәләрдә фәнни-тикшеренү эшләре нәтиҗәләрен өйрәнү һәм алардан файдалану, үз фәнни тикшеренүләрен үткәрү, заманча идарә итү, икътисад, социология һәм оештыру технологияләрен эшләү һәм гамәлгә кертү.

1996 елда үзәкне Равил Шамил улы Вәлиев җитәкли. Аның катнашында медицина статистикасы хезмәтенең эшен оештыру актив алып барылды, гражданнарның сәламәтлеген саклау өлкәсендә социологик тикшеренүләр үткәрелде.

1997–2001 елларда үзәкне Әнәс Әнвәр улы Гыйльманов җитәкли. Бу чорда актив закон чыгару эше алып барылды. Татарстан Республикасы Сәламәтлек саклау министрлыгы белән берлектә «Гражданнарның сәламәтлеген саклау турында», «1998–2002 елларга Татарстан Республикасы Сәламәтлек саклау өлкәсен үзгәртеп коруның уртача сроклы программасы концепциясе» Татарстан Республикасы законы проектлары эшләнде, сәламәтлек саклауның төрле мәсьәләләре буенча Татарстан Республикасы Министрлар Кабинеты карарлары проектлары әзерләнде.

2001–2016 елларда үзәкне Владимир Георгиевич Шерпутовский җитәкли. Аның турыдан-туры катнашында «Татарстан Республикасы гражданнарына түләүсез медицина ярдәме күрсәтүнең дәүләт гарантияләре программасы» формалашты һәм ташламалы дарулар белән тәэмин итү программасы гамәлгә ашырыла башлады. «Ташламаларны монетизацияләү»гә кадәр республикада ташламалы дарулар белән тәэмин итү өчен кирәкле процесслар автоматлаштырылган иде. Аның җитәкчелегендә беренче тапкыр «халык сәламәтлеге һәм сәламәтлек саклау статистикасы» дигән укыту-методик кулланма чыгарылды, ул бүгенге көндә дә республика медицина оешмалары җитәкчеләренең өстәл китабы булып тора. Владимир Георгиевич «хәрби хезмәткә чакырылучының электрон паспорты», «Татарстан Республикасы пациентының Интернет-паспорты», «Артериаль гипертония белән авыручылар регистры» программа комплексын булдыруның инициаторы булды.

2017–2018 елларда РММАҮ директоры итеп Равил Рәшит улы Гарипов иде.

2017–2018 елларда үзәкне Альберт Ренат улы Гайнетдинов җитәкли.

2020 елдан алып хәзерге вакытка кадәр үзәкне янә Шерпутовский Владимир Георгиевич җитәкли.

РММАҮ ДАССУ сәламәтлек саклау белән идарә итүнең барлык дәрәҗәләрендә яңа мәгълүмат технологияләрен һәм дәвалау-профилактика ярдәменең сыйфатын арттыручы яңа медицина компьютер технологияләрен кертү белән шөгыльләнә. Ул республиканың сәламәтлек саклавында мәгълүмат технологияләрен үстерү юнәлешен, мәгълүматны саклау принципларын һәм алымнарын, аны эшкәртүнең һәм мәгълүмат алмашуның катнашучылар арасында ысулларын билгели, Региональ сәламәтлек саклауны мәгълүматлаштыру концепцияләрен һәм программаларын эшләүдә, нигезләүдә һәм тормышка ашыруда катнаша. Әлеге эшчәнлек кысаларында медицина хезмәтләрен персонификацияләнгән электрон исәпкә алу һәм халыкның сәламәтлеге торышын мониторинглау системасы булдырылды; халык сәламәтлеге һәм сәламәтлек саклау торышы турында мәгълүмат җыю, эшкәртү, саклау, тапшыру һәм анализлау гамәлгә ашырыла; пациентларның шәхси мәгълүматларын саклауны тәэмин итү буенча эшләр башкарыла.

Татарстан Республикасы Сәламәтлек саклау министрлыгы белән берлектә РММАҮ сәламәтлек саклауны үстерүнең максатчан программаларын, тармакны реформалаштыру, аны финанслау, мәҗбүри медицина иминияте, дарулар белән тәэмин итү, вакытлыча эшкә сәләтсезлек, мәгълүматлаштыру мәсьәләләре буенча норматив документларны әзерләүдә катнаша.

Үзәк Татарстан Республикасы Сәламәтлек саклау министрлыгы коллегияләренең, Россия һәм республика конференцияләренең, семинарларының, киңәшмәләренең утырышларын әзерләүдә һәм үткәрүдә катнаша. Әйдәп баручы фәнни үзәкләр – Казан дәүләт медицина университеты, Казан дәүләт медицина академиясе, Н.А.Семашко исемендәге социаль медицина, икътисад һәмсәламәтлек саклау белән идарә итү  фәнни-тикшеренү институты, Сәламәтлек саклауны оештыру һәм мәгълүматлаштыру фәнни-тикшеренү институты, Татарстан Республикасы Пенсия фонды, Татарстан Республикасы буенча Россия Федерациясе Социаль иминият фондының төбәк бүлеге, профессиональ медицина ассоциацияләре белән хезмәттәшлек җайга салынган.

РММАҮнең медицина фәнни даирәсе белән хезмәттәшлеге иҗтимагый сәламәтлек һәм сәламәтлек саклауны оештыру мәсьәләләре буенча республика һәм федераль матбугатта уртак публикацияләрдә чагыла. Тикшеренүләр материаллары медицина университеты һәм академиясе тарафыннан үткәрелә торган фикер алышуларга чыгарыла.

Үзәк «Татарстан Республикасы халкының сәламәтлеге торышы һәм аны саклау мәсьәләләре» дәүләт доклады материалларын әзерләүдә катнаша.

Татарстан Республикасы Сәламәтлек саклау министрлыгы тарафыннан үткәрелә торган чараларга (киңәйтелгән коллегияләр һәм республика киңәшмәләре) мәгълүмати-аналитик ярдәм күрсәтү практикасы киң таралыш алды, ул статистик таблицалар, диаграммалар һәм графиклар рәвешендә күрсәтү ярдәмендә сәламәтлек торышын күзәтү нәтиҗәләрен, шулай ук сәламәтлек саклау системасы гамәлләренең адекватлыгын күрсәтергә мөмкинлек бирә. Халыкка стационар хезмәт күрсәтү, ашыгыч хирургия ярдәме, ана һәм бала сәламәтлеген саклау, медицина кадрлары, вакытлыча эшкә сәләтсезлек һәм авырулар күрсәткечләре, шикәр диабет проблемалары һ. б. кагылышлы тематик басмалар үрнәк булып тора.

Татарстан Республикасы Сәламәтлек саклау министрлыгының аттестация комиссиясе эшен камилләштерү максатларында РММАҮ җирлегендә табибларны аттестацияләү (теория һәм практик мәсьәләләр буенча эксперт төркеме әгъзалары белән тест һәм әңгәмә) оештырылды.

РММАҮ ДАССУ сәламәтлек саклау өлкәсендә мәгълүмат технологияләрен кертү өлешендә «Сәламәтлек саклау» милли проектын гамәлгә ашыру буенча баш оешма, Татарстан Республикасы Электрон сәламәтлек саклау дәүләт мәгълүмат системасының функциональ операторы булып тора (ТР ЭСМ ДМС) (ГИС ЭЗ РТ).

Соңгы яңарту: 2022 елның 15 июле, 13:48